"Инвестирање во одржливи проекти и циркуларна економија" ќе се реализира во EU Info Center - Скопје на 17 Април 2019 г. во организација на Стопанската Комора на Мал Бизнис и Здружението на енергетски менаџери ЕУРЕМ МК, во соработка со Министерство за Економија - сектор за индустриски политики. Целта на настанот е да се претстават проектни концепти во индустриски постројки и општински објекти пред претставници од финансиски организации, комерцијални банки, фондови и други засегнати страни и институции кои го поддржуваат одржливиот развој врз основа на модел на циркуларна економија.

Комората на Мал Бизнис изработува проектна документација со експертиза на Програмата SGS 2019 преку субвенционирана постапка на Министерство за Економија и донаторски шеми. Изработката на проектите и Програмата SGS 2019 се базираат на трите постулати:

1. Моделите за финансирање на одржливи проекти со договарање енергетски заштеди (ESCO, ЈПП, програмски донации) ќе придонесат за брза реализација на проектите согласно законската рамка за буџетско финансирање за јавната администрација и комерцијалните пресметки на приватните деловни субјекти.

2. Циркуларната економија е одговор на сфаќањето дека постојаниот раст на економијата и потрошувачката го намалува обемот на природни ресурси, што води не само кон економски проблеми, туку и до потенцијална еколошка катастрофа. Затоа, од суштинско значење е да се елиминира концептот на отпад, да се обезбеди што е можно подолго период на циркулација на производи во употреба и да се обезбедат колку што е можно чисти и незагадени материјали со можност за повторна употреба.

3. „Енергетски Одржливи Објекти„ се приоритетни проекти за реконструкција во локалната самоуправа, јавна администрација и индустријата. Дополнително со воведување на Smart Lighting платформи целта е воведување во Smart City - „Зелени„ и одржливи градови, општини и објекти независни од фосилните горива и надворешно електрично напојување , минимални енергетски загуби и без емисија на CO2 (carbon free).

УЧЕСНИЦИ

На настанот може да се пријават сите заинтересирани учесници и поддржува вмрежување и остварување меѓусебни деловни контакти на заинтересираните претпријатија кои нудат проектантски услуги и опрема, и коминтентите од деловниот и јавниот сектор и финансиските институции.

Се повикуваат за учество и останати институции, организации и засегнати страни инволвирани во подготовка и реализација на проекти за одржлив развој, заштита на животна средина, енергетска ефикасност и обновливи извори на енергија и/или подготовка и реализација на институционална рамка за политиките на одржлив развој и циркуларна економија.

АГЕНДА на линкот https://www.sbch.org.mk/sites/default/files/Agenda_Investiranje%20vo%20o...

Adria Finance HUB e платформа за поддршка на инвестициски фондови и финансиски инструменти на ризичен капитал за поддршка на развојни проекти https://www.sbch.org.mk/novosti/adria-finance-hub

Sustainable, Green & Smart (SGS) е програма за подготовка и реализација на одржливи проекти во деловен, јавен сектор и локална самоуправа, со финанисирање преку ESCO модел, ЈПП и достапни финансиски инструменти на финансиските институции, фондови и банки.
https://www.sbch.org.mk/programi/sustainable-green-smart

Adriatic Business Club од 2017 година во Комората на Мал Бизнис е фокусиран на соработка со компании и организации од земјите на Adriatic регионот (Италија, Албанија, Црна Гора, Хрватска, Словенија и Грција).
https://www.sbch.org.mk/platformi/%D0%B0%D0%B4%D1%80%D0%B8%D0%B0%D1%82%D...

------------------------------------------------------------------------------------